دو بیتی لکی
#دوبیتےهاۍلکی
تو عشقت اژ دلم پاکا نماوا
گره کوره گنیکه، آ نماوا
نه درمون و دوعا دی فایده نری
کسی لیوه تو بو، آزا نماوا
خصه کل ساتی ها گردم مزونم
مه بوسونِ خم و دردم مزونم
امیدل قط بیه اژ مه مزونی
مه ولگیکم که دی زردم مزونم
خراوم، چوی یه ولگیکم وَژیر پات
خراو چوی کشوری بعد اژ حلامات
تو نینی ایسه هر شو دامه موشه
کلیکی خم سوار لچته، نمم چات؟!
ئه دشتا جالم و ئه نوم دلا پیر
ظله‌ماته ئره هر جا مکم ویر
یه روژی عاشقی تنیا خمم بی
الون دردل کلون بینه یکاگیر
ئِه سَر وِژ چئ، کسی گه چَئم تو دیتی
اخِنکَه عاشقت بی، کِر بِریتی
تو دریا بین که هر کس رئ کَتِه تو
دی آ نَئت و لَشیجه دی نوییتی
#بهزاد_رحیمی
ئه دس ئه داخ چن ساله، ئه بین چی
تو موشین هر دلم جاله؟ ئه بین چی
خم ار خاک دلم کل سالی ماجین
زمین اژ ئه کره کاله ئه بین چی
#بهزاد_رحیمی
تو ایوارل نِمِینِه دَر، اَرا چه؟
اگر نُومِی، نمینه سر ارا چه؟
ئه رنگ کاو خوشمه مای، وژته مزونی
کراس کاوَه‌ت نمینه وَر ارا چه؟!
#بهزاد_رحیمی
